Тұрсынбек Қабатовтың "Бақытты әйел" бағдарламасына қонаққа шақырылған жары сынға ұшырады деп хабарлайды NUR.KZ.
Мөлдір Мұқанова жарымен бірге 1500 теңгенің шәйнегін несиеге алған күндерін еске алды. Сондай-ақ декреттік демалысында тыныш жата алмайтынын да айтып берді.
"Көп әйел декреттік демалысында "Мен баламен отырмын" деп ештеңемен айналыспайды. Арнайы күтуші жалдайтындары да бар. Ал мен керісінше, үйде тыныш отыра алмаймын. Кіші үйді үлкеніне ауыстырамын. Ұсақ болса да бизнес ашамын. Немесе көлік аламын. Тыпырлай беремін. Сондықтан өзіміздің кәсібімізді ашып, қоғамға пайдасын әкелетін жұмыс атқарып жатырмын деп айта аламын", - деді әзілкештің жары.
Ал желі қолданушыларына Мөлдірдің бұл сөзі ұнамай қалды. "Мөлдір ақшаның буы ұрыпты ғой", "Көп мақтанбашы, Мөлдір", "Тұрсынбектің әйелін не үшін шақырдыңдар? Қандай еңбегі сіңді?" деп жарыса жазды олар.