Алматыдағы Әл-Фараби атындағы ҚазҰУ-дың тарих, археология және этнология факультетінде «Өрлеу» біліктілікті арттыру ұлттық орталығы мен Алматы қаласы білім департаментімен бірлесе отырып, «Ақпараттық-қатынас технологияларының мүмкіндіктері мен Отан тарихының мәселелері» атты республикалық ғылыми-тәжірибелік конференция өтті.
Жиында интернет ресурстары мен Отан тарихының өзекті мәселелері, қазақ тарихын зерделеуде ақпараттық технологияларды пайдалану, ақпараттық технологияларды оқу үрдісінде қолдану, интерактивті мұрағат және ақпараттық қоғамдағы құжаттар мәселесі талқыланды.
Эльмира ТЕЛЕУОВА, тарих ғылымының кандидаты, доцент:
– Студенттердің тарихи білім беру үрдісі заман талабына сай ақпараттық-технологиялар бойынша жетілдірілуі қажет. Осы мәселе төңірегінде ұсыныстар айтысып, көрші елдердің тәжірибелерін барлау мақсатында жиналып отырмыз. Ресейде арнайы тарихшы-информатик мамандықтары дайындалып, сол бағытта зертханалар жұмыс істейді. Бізде мұндай үрдіс атымен жоқ. Әлгіндей олқылықтардың орнын толтырсақ деген ниетпен «Тарихи білім» атты интернет сайтын ашып жатырмыз. Көптеген дамыған елдердің құнды деректері мен тарихи құжаттары интернет сайттарда электронды нұсқада самсап тұрады.
Тарихқа да технология қажет
Последние статьи автора