Таланттан тәбәрік

Астанада әйгілі дирижёрлеріміздің бірі Төлепберген Әбдірашевтi еске алуға арнал­ған концерт болып өтті. Классикалық өнер кешіне көрермен көп жинала қоймайтыны белгілі. Зал орталау болса да, ұйып тыңдады.
ҚазКСР-iнің еңбек сіңірген өнер қай­рат­­кері, Халық әртісі, «Құрмет» орде­ні­нің, Мемлекеттік сыйлықтың иегері Тө­леп­бер­ген Әбдірашев артына өшпес із қал­­дырып өткен жан. Орындаушылық ше­берлігі көп­теген шетелдерде, әлем сах­наларын­да ба­­ғаланған, дара та­лант иесі. Алматыда­ғы Құрманғазы атын­да­ғы Мем­лекет­тік кон­­­серваторияда, Мәс­кеу­де­гі П.И.Чай­ков­­ский атындағы Мемлекет­­тік кон­сер­ва­торияда білім алды жә­не Венада­­ғы Му­зы­ка академиясында шебер­лігін ұшта­ды.
Төлепберген Әбдірашев АҚШ, Ан­глия, Германия, Корея, Түркия және өзге де мемлекеттердің симфониялық ор­кестр­ле­рiмен өнер көрсеткен өз ісінің шебері еді. Ол қазіргі уақытта елімізде және ше­тел­дер­де жемісті еңбек етіп жүрген көптеген шә­кірт­тер тәрбиелеп шығарды. 2007 жылы 26 қарашада дирижер өмірден озды. Ал 2008 жылы Қазақстан музыкасын дамыту жә­не жас таланттарды қолдау мақсатында «Төлеп­берген Әбдірашевтің атындағы» қор құрылды. Концерттен түскен қаржы осы қорға аударылмақ.