Келесі 2010 жылы қазақтың белгілі ғалымы Шоқан Уәлихановтың туғанына 175 жыл толады. Сондай-ақ келер жылы «Шоқан тағылымы» халықаралық оқуының 15 жылдығы аталып өтпек. Осы орайда Ресейдің Омбы қаласынан бастау алған «Шоқан жолдарымен» ғылыми-танымдық экспедиция мүшелері Көкше жерінде жұмыстарын жалғастыруда.
Шоқанды зерттеуге арналған экспедицияны Омбы облыстық мәдениет және білім министрліктері, «Болашақ» қазақ тілін жетілдіру орталығы, Ақмола облыстық мәдениет және тілдерді дамыту басқармасы және Ш.Уәлиханов атындағы Көкшетау мемлекеттік университеті ұйымдастырып отыр. Бұл шараның негізгі мақсаты – «Мәдени мұра» мемлекеттік бағдарламасы аясында айтулы ғалым, әдебиеттанушы, географ Шоқан Уәлихановтың өмірі мен шығармашылығын жіті зерттеу, оның туған жеріне саяхат жасау. Сонымен қатар экспедиция мүшелері Шоқанды зерттеуші ғалымдармен, сол өңірдің зиялыларымен, жастарымен кездесіп, пікір алысуды көздеп отыр. Өзінің аз ғана ғұмырында қазақ ғылымы мен мәдениетін, әдебиеті мен тарихын зерттеп, соңына өлмес мұра қалдырған Шоқан әлі де зерттеуді қажет етеді. Экспедиция Омбы, Көкшетау, Түркістан, Алматы бағытында Шоқанның жүріп өткен жолдарын қамтиды.
Шоқан жүріп өткен жолмен...
Последние статьи автора