Қазақстан атласы жарық көрді

Соңғы жылдары еліміздегі полиграфия саласында біршама ілгерілеулер байқалып жүр. Мемлекеттік тапсырысты орындайтын баспалармен қатар жекеменшік баспалар да өзара бәсекелестік жағдайда жұмыс істеуде. Бұл ретте, әсіресе, көпшілікке «Абди» де­ген атпен белгілі компанияның кітап өнім­­дері қазіргі тұтынушылардың сұра­ны­сына сай қызмет көрсетіп келе жатқанын атап кету қажет. Компания басшылығы ке­ше тағы бір танымдық-энциклопедиялық кі­таптың жарыққа шығуына байланысты арнайы баспасөз мәжілісін ұйымдастырып, жаңа жинақтың таныстырылымын өт­кіз­ді.
«Қазақстан тарихы мен мәдениетінің үл­кен атласы» деп аталатын бұл кітап Қазақстанда тұңғыш рет қазақ тілінде ба­сылып отыр.
Әбдібек БИМЕНДИЕВ, «АБДИ Компани» АҚ президенті:
– Бұл – ғалымдар, редакторлар мен құрастырушылардан құралған үлкен ұжымның екі жылдық еңбегінің нәти­жесі. Атласты құрастыру жұмысына түрлі саладағы 250 маман қатысты, соның ішінде ресейлік және қазақ­стан­дық ғалымдар, тарихшылар, архео­логтер және тағы басқалары. Ғылыми басылым оқушылар мен студенттерге, жалпы, қалың оқырман қауымға арналған.
Қанат ӨСКЕНБАЙ, атластың бас ғылыми редакторы:
– Бұл атлас еліміздің ежелгі заман­нан бүгінгі күнге дейінгі тарихы мен мә­дениеті туралы тұңғыш ғылыми еңбек болып табылады. Бұл жинақтан әр адам Қазақстан аумағында ғасырлар бойы тарихи процестің қалай да­мы­ғанын көре алады. Бұл даму жолы мә­тін­дермен, түрлі фотосуреттермен, суреттермен және тарихи ре­конс­трук­циялармен ғана емес, ең бастысы, кең көлемді картографиялық материалмен көрсетілген. Сонымен қатар шамамен 140 ежелгі карта көпшілік назарына тұң­ғыш рет ұсынылып отыр.
Туған елімізбен жақын әрі кеңірек танысуға мүмкіндік беретін бұл үлкен атлас «Табиғат», «Археология және тарих», «Эт­но­графия», «Қазіргі заманғы Қазақстан», «Қазақ­станның қалалары мен облыстары: тарих пен мәдениет» ескерткіштері деп ата­латын бірнеше бөлімнен тұрады. Кітап­қа сирек кездесетін әрі бұрын-соңды еш жерде жарияланбаған төрт мыңнан астам фотосуреттер енгізілген.
Еліміздің кітап нарығында 1994 жыл­дан бері жемісті жұмыс істеп келе жатқан компания – қазіргі уақытта әлемнің 35 елі­нің 180 фабрика-өндірушілерімен се­рік­тес. Олар­дың алдыңғы қатарында АҚШ, Гер­­ма­ния, Франция, Италия, Англия, Швей­­ца­рия, Дания, Финляндия, Чехия, Венгрия, Поль­ша, Ресей, Украина, Жа­по­ния, БАЭ, Корея, Тайвань, Малайзия елдері бар. Жыл­дан-жылға тауарлар түрін көбей­тіп, сервистік қызметтерін кеңейтіп келе жат­қан компанияның бүгінде Қазақстан бойынша 30 фирмалық дүкені бар. «Абди» ком­па­ния­сының басшылығы бұл бағыттағы жо­ба­ларды алдағы уақытта да жалғастырып оты­ратындықтарына уәде етті.