Қазақ журналистерінің клубы құрылды

Кеше Алматыда «Қазақ журналистерінің клубы» құрылды. Бұл жөнінде арнайы өткен дөңгелек үстелде жан-жақты талқыланды.
  Еліміздің жас тілшілерінің басын қосып, олармен ұлттық мүдде, Отансүйгіш­тік пен азаматтық ар-намыс тәрізді күрделі әрі ауқымды мәселелер жөнінде ой бөлісу, әңгімелесу – клубтың негізгі мақсаттарының бірі. Тарихшы, ғалым Хайролла Ғабжали­лов­тың айтуынша, «Қазақ, журналистерінің клубын» құру заман талабы болып отыр. Себебі жас журналистер бір-бірін танып, осы клубты пікір алаңына айналдыра алса, қазақ журналистикасы жаңа сатыға көте­рілер еді. Бұл клуб «Алаш» тарихи-зерттеу орталығы жанынан құрылып отыр» деп ағы­нан жарылды. Клуб дөңгелек үстел басында ғана жиын өткізу емес, тауға, демалысқа бірлесіп шығу, қазақтілді жур­налистер арасындағы достықты, әріптестікті нығайту, оны дамыту мақсатында жұмыс істемекші. Сонымен қатар «Қазақ журна­лис­терінің клубы» журналистер күніне орай (маусым айында) өткір тақырыптар, өзекті мәселелер көтеріп, ел, қоғам наза­рын өзіне аударған журналистерді үш номи­нация бойынша марапаттап тұратын болды.
Салтанат ӘСКЕРБЕКҚЫЗЫ, «Каспий банкінің» БАҚ-пен жұмыс басқармасының бас маманы:
– Қазақ журналистерінің басын қосатын клубтың болғаны қоғам талабы деп ойлаймын. Бүгінгі таңда журналистикада жүрген жас қаламгерлер өте көп. Олардың шығармашылық дәрежесін өсіретін мұндай клубтар болашақ журналистер үшін таптырмас мектеп деп ойлаймын. Бұл клубқа орыс тілінде жазатын журналистер де келіп, өз ойларын ортаға салса құба-құп болар еді.