Қазақ саясатын білгіңіз келсе, «Қазақ альманағына» жазылыңыз
Ақпарат айдынына қанат қаққанына екі жылдай уақыт болса да «Қазақ альманағы» альманағы интеллектуалды деңгейімен ойлы оқырманның іздеп оқитын басылымына айналды.
«Қазақ ойы», «Қазақ сөзі», «Қазақ саясаты», «Қазақ идеясы», «Қазақ миссиясы» т.б. айдарлары аясымен қазақтың жан-жақты дамуын мұрат еткен, тұжырымды материалдардың жинағы іспетті бұл альманах жылына алты рет жарық көреді. Альманахтың авторлары – қазақ философтары, саясаттанушылар, қазақ мәселесіне дендеп бойлап жүрген қарымды қалам иегерлері. Альманахтың «Қазақ үні» айдары Алаш арыстарының өткен ғасыр басында айтып кеткен, яғни осы күнге дейін өзектілігін жоймаған жанайқайын жаңғыртса, «Қазақ тәржімасы» айдары бүгінгі ғаламдық, адамзаттық ой толғайтын әлем оқымыстыларын сөйлетеді. Ал «Қазақ сөзі» айдары сүбелі сұхбат ұсынады. Сұхбат жеке бастың я болмаса белгілі бір мәселеге қатысты емес, елдік бірлік, мемлекетшіл сана, қазақ миссиясы енді қалай болуы керек қақында терең ой, тың пікірлерді арқау етеді. «Қазақ идеясы» айдарымен альманах қазақ ұлтшылдарының «қайтсек қазақ мемлекетін қуатты елге айналдырамыз» деген асыл арманын жариялап келеді. «Қазақ ойы» айдары қазақтың бүгінгі пәлсафалық ой тұжырымын насихаттауда. Осындай мазмұны бай альманахтың безендірілу мен типографиялық сапасы да бүгінгі күнге сай жасалған.
Құрметті оқырман, қазіргі жаңашыл қазақтың ойын, қазақтың саясатын, қазақтың миссиясын білгіңіз келсе «Қазақ альманағын» оқыңыз. Альманахқа жазылу жүріп жатыр. Мұраты биік басылымға «Қазпошта» АҚ-ның кез келген бөлімшесі арқылы жазылуға болады. Жеке тұлғаға бір жылға жазылу – 2065 теңге. Ал заңды тұлға үшін – 2365 теңге. «Қазақ альманағы» туралы қалған мәліметті осы жылғы баспасөзге жазылу каталогының 117-бетінен көре аласыз.
