Полигон жайлы пайым

Алматыда белгілі ғалым, қоғам қайраткері, қаламгер Нығмет Жотабаевтың «Ядролық сынақтың ұзақ жаңғырығы» атты жаңа кітабының таныстырылымы өтті.
Автордың бұл кітабы ел Тәуелсіздігінің 20 жылдығы мен Семей ядролық сынағы­ның жабылғанына 20 жыл толуына орай жарық көрді.
Нығмет Жотабаев, публицист:
– Мен өзім Семей өңірінің тумасы­мын, сондықтан бұл туындымды сон­дағы ядролық жарылыстардың адам өміріне тигізген зардаптарын өз көзім­мен көрген куәгер ретінде жазып отыр­мын және ол бұрыннан көкейімде жүр­ген мәселенің бірі еді. Екі жылдай осы шығармаға материал жинадым. Бұл кітапты жазуды мен өзімнің аза­маттық борышым деп санадым. Өйткені бола­шақ ұрпаққа ядролық сынақтың тигізген зардаптары жайында із қалдыру керек болды.
Аталған кітапқа Семей ядролық поли­гонының ашылу кезеңі, оның адам өміріне тигізген зардаптары және полигонды жабу барысында атқарылған жұмыстардың барысы жайлы мәліметтер енгізілген.
Семей полигоны 1949 жылы ашылып, оның жұмыс істеген уақытында 500-ге жуық жерасты мен жер бетінде ядролық жарылыстар жасалған. Автор осы бір зымиян жоба турасында өз көрген-білгенін баяндап, жалпы адамзатқа бейбітшілік идеясын насихаттайды.