Әнші Мәдина Сәдуақасованың күйеуі Олжас Смағұлов елдің назарында жүргенді ұнатпайды екен. Қолында микрофоны мен камерасы бар тілшілерді көрсе қарадай қысылатынға ұқсайды. Ал сұлу келіншегін той-жиындарға жалғыз жібереді.
«Негізі, барлығы үйлену тойымыздан басталды. Себебі менің (біздің деу керек еді) тойыма, АХАЖ бөліміне өте көп тілшілер келді. Бұған өзім де таңғалдым. Содан соң барлығы Олжас туралы жаза бастады. Оған неше түрлі пікірлер жазады. Бір жерден өзі туралы оқып қалса керек: «Артистер жүрген жерде міндетті түрде камера жүреді ғой. Мұны бүкіл ел көреді. Ал сосын адамдар неше түрлі пікірлер жазады. Ол маған ұнамайды», – деп айтып салды.
Осының кесірінен көптеген әріптестерімнің тойына қатыса алмай қалдым. Оның бір себебі концерттер, екінші себебі жолдасым менің ортамды жатырқайды. «Ренжіме, тойға барғың келсе, өзің бара бер» дейді. Ал қалай барасың?», – депті ашынған Мәдина Сәдуақасова.
Ал Олжасқа айтарымыз, келіншегіңнің жанынан қалма! Әйелін тойға жалғыз жібергенді кім көрген….