Келесі жылы көрермендерге «Лотерея» фильмі ұсынылады

Алматыда «Қазақфильм» киностудиясының ұйымдас­ты­руымен белгілі режиссер Дамир Манабайдың «Лотерея» деп аталатын картинасының түсірілімі журналистерге таныс­тырылды.
Картинаны түсіру 2011 жылдың басы­нан басталды. Фильм көрермендерге ке­ле­сі жылы жол тартады. Кино екі ай бойы Талдықорғанда Алдаберген ауылында түсірілді. Киноның авторларының бірі – белгілі драматург Дулат Исабеков. Негізгі идея оның «Сен есейгенде» деп аталатын шығармасынан алынды. Картинаның бас кейіпкері – интернатта тұратын 13 жастағы бала. Оның ешқандай туған-туысқандары болмайды. «Ол бірде лотерея билетінен «Волга» көлігін ұтып алады. Осыдан кейін оның туған-туысқандары көбейіп, әлгі билетке талас басталады», – дейді Д.Ма­на­бай. Фильмде басты кейіпкерлердің рөлінде Жасұлан Дінамжан ойнайды. Сондай-ақ Гюль Зиятова, Ерболат Төлеге­нов, Дана Тұтарбек сынды әртістердің шеберлігін тамашалауға болады.