«Гәккулетіп» қайтты

Әсіресе, өнер саласындағыларға оңай тимеген қазіргідей қаржылық дағдарыс кезеңінде қиындықтан шығудың жолын тауып, елге қызмет көрсетіп жүрген өнер ұжымдары көп емес. Солардың бірі Қазақстан Республикасының Халық артисі, белгілі хореограф Болат Аюхановтың жетекшілігіндегі балет труппасы еліміздің Павлодар, Ақсу, Екібастұз қалаларында гастрольдік сапармен болып, өнер көрсетіп қайтты.
Осынау өнер сапарында Аюханов тәрбиелеген талантты бишілер қызыл­жар өңірінің жұртшылығына әйгілі «Қыз Жібек» ұлттық эпосы желісі бойын­ша жасалған «Гәкку» балетін ұсын­ды. Тамыры тереңде жат­қан халық фольклорына жаңаша көз­қараспен қарап, тың режиссуралық ше­шім­дерді қолдана отырып сахналанған лирикалық-драмалық қойылым балет­мейс­тер Болат Аюхановты тағы бір бел­ес­ке көтергендей болды. Сонымен қа­тар әлемдік классика үлгілерінен П.Чай­ков­скии­дің «Аққу көлі», Р.Щедриннің «Кар­мен», М.Равельдің «Болеро» балеттерінің қойылымдарын да көрермен ерекше ықыласпен қабылдады.
Классикалық балет биінің хас шебері Б.Аюханов: «Кездескен қиындықтарға қа­рамас­тан труппаның гастрольдік сапар­лары алдағы уақытта да еліміздің өзге өңірлерінде жалғасады», – дейді.