6-шілдеде Мемлекет басшысы Нұрсұлтан Назарбаев 77 жасқа толды.
Елбасының атына бұл күні жан-жақтан туған күнін құттықтаған жедел хаттар көп болды. Көптің бірі болып, қазір аты әлемге танылып жатқан жас әнші Димаш Құдайберген де өзіне батасын берген ел әкесі — Президент Нұрсұлтан Назарбаевты туған күнімен құттықтады.
Ол түн жарымнан кейін Инстаграмдағы парақшасына
«Mr President, Happy Birthday!»
деген жазуы бар аниме стиліндегі құттықтау хат салып қойыпты.
Суреттің астында: «Мерекелеріңізбен!!!», — деген жазу бар.
Айта кетелік, Қытайдағы ән байқауы өз мәресіне жеткенде — сәуір айының соңында Мемлекет басшысы Димашпен арнайы кездесіп, оған батасы мен игі тілектерін айтқан болатын.