Деректі фильмдер шеруі

Бүгін Алматы қаласындағы «Цезарь» кинотеатрында Қазақ­стан Тәуелсіздігінің 20 жылдығына арналған деректі фильмдердің фестивалі басталады.
Шәкен Айманов атындағы «Қазақ­фильм» киностудиясы ұйымдастырып отыр­ған бұл шараға бірқатар қазақстандық ре­жиссерлердің туындылары ұсы­ныл­мақ.
Көптеген қиындықтарға қарамастан, соң­ғы жылдары Қазақстанның кино сала­сы қарқынды дамып келе жатқанын атап өту керек. Отандық киноөндірісті дамыту мақ­сатында тек көпжанрлы көркем фильм­дер ғана түсіріліп қоймай, сонымен қатар жыл сайын мәдениет, ғылым саласын қам­ти­тын 30-40-қа жуық деректі фильм де түсіріліп жатқандығы белгілі. Қазақстан мен Орта Азияда алғаш рет ұйым­дас­ты­ры­лып отырған «Қазақстанның жаңа деректі фильмдері» атты осы фестиваль соның айғағы іспетті.

Бір апта бойы көрермендер назарына ұсы­нылатын фильмдердің барлығы да елге, өнерге қалтқысыз қызмет еткен ұлы тұл­ғалардың өмірінен сыр шертетін туын­дылар болмақ.
Фестиваль барысында көрермендер фильмдердің кейіпкерлерімен, режис­сер­лер­мен пікір алмасып, сұхбаттаса алады.
Барлық қойылымдардың басталуы сағат 11.00-де. Фестиваль 7 наурызға дейін жалғасады.