Арқа төсінде ел Тәуелсіздігін жырлаған айтыс өтті

Біраз уақытқа тұсалып қалған қазақтың төл өнері – айтыс қайта жанданды. Мәдениет министрлігінің ресми қолдауымен ел Тәуелсіздігінің 19 жылдығына арналған «Тәуелсіздік тағылымы» атты үш күнге созылған республикалық ақындар айтысы өз мәресіне жетті.
Аманжол Әлтаев, Айнұр Тұрсынбаева, Бал­ғынбек Имашев, Шырынбек Қой­лы­баев, Жандарбек Бұлғақов, Ринат Зайытов, Рүс­тем Қайыртайұлы, Сара Тоқтамысова, Бек­арыс Шойбеков, Мұқтар Ниязов сынды елі­міздің түкпір-түкпірінен келген 26 сөз мер­гені қатысқан үш күндік қызыл тіл бә­секесінде қазақтың қасиетті өнері жаңаша реңкке ие болғандай болды. Басында екі күнге жоспарланған дүбірлі дода кейін үш күнге ұзартылғаны белгілі. «Бұның себебі – айтысқа шығып, халық сөзін сөйлеймін деген дуалы ауыз ақын-айтыскерлердің көбеюі мен халықтың айтысқа деген ыстық ықыласы ескерілді», – дейді айтысты ұйымдастырушылар.
«Мінекей, қазақтың ең қасиетті өнері Елорданың төріне шығып отыр. Бүгінгі ай­тыс­тың жөні бөлек. Ерекше. Ақындар же­тістік атаулыны кемелінен асыра жыр­лады. Бұлай ағынан ашыла да, ән-күйге шашыла да, төкпелетіп, төпелетіп өткізудің де бір себебі бар-ды. Айтыс – ендігіде мемле­кет­тің маңызды деп білер белбаласы. Бұл – аламан айтыс. Бұл – елдің елдігін жыр­лай­тын, Тәуелсіздіктің тұғырын мық­тайтын ай­тыс. Бірер жыл демін ішке тарта тұрған, тым-терең тыныста болған бұл қазақтың қасиеттісі бүгін қайта түлегендей күй кешті. Ақиық ақындарымыз арын да, барын да салды бұл додада. Қайсыбірі, кү­ні бүгінге де­йін қозғалмай келген тоңмойын та­­қы­рыптың шетін сөксе, енді бірі Тәуелсіздіктің таңын қайта атырғандай, жетістік атаулыны кемелінен асырғандай етіп жырлады», – деп атап өтті мәдениет министрі Мұхтар Құл-Мұхаммед.
Ақындар екі күн бойы айтысып, 13-і кү­­ні өткен ақтық сынға Аманжол, Бал­ғын­бек, Бекарыс, Айнұр бастаған сегіз дүл­дүл өтті. Қызықты да тартымды өткен ай­­тыстың нәтижесі бойынша, бас жүлде және «Еліміздің бас ақыны» мәртебесіне белгілі ақын-айтыскер Аманжол Әлтаев ие болып, «Тойота Лэнд Крузер Прадо» авто­кө­лігінің кілтін алды. Бірінші орынға ас­та­на­лық ақын Айнұр Тұрсынбаева лайық болса, II-III орындарға Бекарыс Шойбеков және жас ақын Жандарбек Бұлғақов ие болды. Айтыстың бас демеушісі –«Са­мұ­рық-Қа­зына» әл-ауқат қорының атынан барлық же­­ңім­паздарға су жаңа автокө­лік­тер сыйға тар­тылды.
Сондай-ақ Әлібек Серғалиев, Сара Тоқ­тамысова, Еркебұлан Қайназаров және Сы­­рымбек Сәрсембаев сынды от ауызды, орақ тілді ақындарға ақшалай сыйлықтар та­­быс етілді. «Нұр Отан» халықтық демо­кра­­тиялық партиясының хатшысы Қайрат Са­­тыбалды Балғынбек Имашев бастаған үш ақынға тағы үш көліктің кілтін табыс етті.