2023-2024 оқу жылына жоғары оқу орындарына түсу үшін құжаттарды қабылдау 20 маусым мен 25 тамыз аралығында жүреді, - деп хабарлайды Alashainasy.kz тілшісі Ғылым және жоғары білім министрлігінің баспасөз қызметіне сілтеме жасап.
Ал білім беру гранттарының конкурсына өтініш қабылдау 13-20 шілде аралығында өтеді.
ЖОО-ларға оқуға түсу үшін талапкерлер жеке куәлік, ҰБТ сертификатын, 3х4 көлеміндегі фото, орта білім туралы аттестат (техникалық және кәсіптік білім беру (ТжКБ) ұйымдарының түлектері үшін диплом), №075/у нысанындағы медициналық анықтама, ер жігіттер үшін әскери тіркелу куәлігін тапсыру керек.
Сондай-ақ, жеңілдетілген санат бойынша конкурсқа қатысу үшін растайтын құжаттар ұсынылады.