Жаңа буындағы Toyota Alphard-тың интерьері қандай болатыны белгілі болды. Желіде тұсаукесері 21 маусымда өтетін жаңа модельдің суреттері тарады, - деп хабарлайды Alashainasy.kz тілшісі Кolesa.kz-ке сілтеме жасап.
Өндіруші Alphard үшін арнайы интерьер мен екінші қатардағы креслолар бөлек орналасқан премиум модификация ойлап тауыпты.
Бір платформаны бөлісетін доноры мен Alphard-тың салонында алдыңғы әйнек пен рөл түйіскен жердегі жұмсақ контурлар ғана ұқсайды. Одан өзгенің бәрін Alphard-та өзгеше етіп жасаған. Ортаңғы тоннель, беріліс қорабы селекторы және үлкен сенсорлы дисплей осының дәлелі болып тұр
Брошюра минивэннің атауы әлі белгісіз ең үздік түрленіміне арналған. Салоны былғары және ағашпен әрленген. Шынтақ тіреуіште бірқатар функцияны басқаруға болатын сенсорлы панель тұр, оның ішінде желдету және массаж функциясы бар болуы мүмкін. Одан бөлек ұсақ-түйек зат сақтайтын орын мен стакан қоятын орын бар.
Toyota Vellfire моделінің интерьері қандай болатыны да белгілі болды, Alphard-тың салонынан көп айырмашылығы жоқ, бірақ сырт пішіні сәл агрессивті көрінеді. Екі түрленім де вариатормен жұмыс істейтін 4 цилиндрлі мотормен жүреді. Өндіруші V6-дан бас тартатуды жоспарлап отыр, бірақ толық жетек қалады, ол үшін минивэннің жаңа буынының артқы осіне электромотор орнатады.