Шымкентте жастар мәслиxаты құрылатын болды. Бұл туралы бүгін Шымкент қаласы оғамдық кеңесінің отырысында қалалық мәслихаттың хатшысы Ғани Ташқараев ұсынды деп хабарлайды өңірдегі KAZ.NUR.KZ тілшісі.
Шымкент. Көрнекі фото: ru.sputniknews.kz
Бұл ұсынысты қала әкімі қолдап, шаhардағы әрбір төртінші тұрғын жастар санатына жататынын айтып, жастар мәслихатының құрылуы уақыт талабы екенін жеткізді.
Жиында сөз алған қалалық отбасы, балалар және жастар істері жөніндегі басқарма басшысы Жандос Қалтаев жастар мәслиxатына депутат атануға кімдер үміткер бола алатынын атап өтті.
Тарқатып айтқанда, Шымкент қаласының аумағында тұратын 14-29 жас аралығындағы Қазақстан Республикасының азаматтары өз кандидатурасын ұсына алады. Жалпы мәслихат 29 жас депутаттан құралып, өкілеттілігі екі жылға созылады.
«Әрбір сайлауға қатысушы кандидат қоғаммен етене қарым-қатынас жасап, тұрғындардың қалай өмір сүріп жатқандығынан хабардар болуы шарт.
Жастар мәселесінде шешілмей жатқан түйіндерді анықтап, оларды шешу жолдарымен ұсынатын сайлауалды бағдарламалары да болуы қажет.
Себебі олар билік басында қала жастарына тұрғын үй беру, жұмыссыздық деңгейін төмендету жалпы жастарды әлеуметтендіру мәселелеріне қатысты күрделі шешім қабылдайтын болады», - деді басқарма басшысы.
