Сауда және ойын-сауық нысандары көбейеді

Қаржы және бизнес орталығы ретінде дамып келе жатқан Алматы қаласы сауда және көңіл көтеру орындарымен толығатын болды. Биыл жазда оңтүстік астанада үш ірі сауда орталығы пайдалануға беріледі.
Eurasia RED қазақ-венгр компаниясы және IFC халықаралық қаржы кор­по­рациясының бірлесуімен салынып жат­қан «Апорт» сауда-ойын-сауық орталығы Қазақстандағы аса ірі нысандардың бірі болмақ. Оның аумағы 111 000 шар­шы метр жерді алып жатыр. Сауда жә­не ойын-сауық орталықтары Алматы қа­ла­­сын­дағы негізгі көлік магистралі сана­ла­тын Райымбек даң­ғылында және Құлжа тас жолы бойында орналасқан. Қазақ-венгр компаниясының қаржы жөніндегі директоры Дмитрий Ревиннің айтуынша, кешен аумағындағы «Рам­стор» гипермаркеті, құрылыс мате­риал­дарын сататын «Қазмарт» сауда үйі жә­не «Городок» балалар дүкендеріндегі тауарлар қаладағы басқа сауда орын­дарымен салыстырғанда 10 пайыз төмен бағамен сатылмақ. Киносүйер қауым үшін ашылатын сегіз залдық кинотеатрда фильмдер 3D пішінінде, яғни ең үлкен экрандарда көрсетілетін болады. Келу­шілер үшін барлық жағдай жасалатын кешенде 3500 көлік сыятын автотұрақ та салынып жатыр. Алматы қаласының инфрақұрылымын дамытуға үлес қосатын жоба құрылысын алдағы тамыз айында аяқтау көзделген.