Отын шаруашылығы нысаны отқа оранды

Ақмола облысының Сандық­тау ауданында отын шаруа­шылығының ғимараты өртенді. Төтенше оқиғаның салдарынан ғимарат күзетшісі қайтыс болды.
ҚР Төтенше жағдайлар министрлігі ма­ман­дарының хабарлауынша, сәуірдің 16-сы күні сағат 19:05 шамасында Сандық­тау ауданындағы Балқашино елді мекенінде отын шаруашылығының бір қабатты ғи­ма­раты өртенген. Өрт бір сағат ішінде 54 шар­шы метр аумақты шарпыды. Оқиға ор­нына келген өрт сөндірушілер жалынның арасынан 1953 жылғы П.Лосев деген кісі­нің мәйі­тін тауып алып шықты. Ол осы ны­сан­ның күзет қызметкері болып жұмыс істейді екен. Отын шаруашылығы ғимараты «Новоселов» жеке кәсіпкерлігіне қарайды. Ны­сан­ның отынның қандай түріне қатысты екені жария етілген жоқ. Дәл осы күні Сан­дықтау ауданындағы Шаңтөбе елді мекенінде тағы бір қайғылы оқиға болды. Бес қабатты үйдің бір пәтерінен от шыққан. Жа­лын екі-ақ шаршы метрді шарпығаны­мен, бұл екі адамның өмірін қию үшін жеткілікті болды. 1976 жылғы К.Попенко мен оның үш жасар баласы оқиға орнында жан тап­сыр­ған. Тағы бір адам ауруханаға жеткізілді.