Оңтүстік Қазақстанда жол апаты салдарынан бірнеше адам ажал құша жаздады.
Шымкентке кіре беріс тұста Мерседес пен Фольксфаген соғысып, 5 адам ауруханаға түсті. Куәгерлердің айтуынша, жоғары жылдамдықпен жүйткіген Мерседес қарсы бағытқа шығып кеткен. Сөйтіп, алдындағы Фольксвагенмен бетпе-бет соғылыпты. Екі көліктің де сау-тамтығы жоқ. Олардың ішінен шығарылған 5 адам жедел ауруханаға жеткізілді. Үшеуі хал үстінде жатыр. Арасында тіпті ай-күні жақындаған жүкті келіншек те бар.