Қатты жауған нөсер кезінде Қостанайдағы әуежайдың төбесінен су ағып кетті. Салдарынан бірінші қабаттағы күту алаңын су басқан, деп хабарлайды Stan.kz ақпарат агенттігі.
Әуежай ғимаратының күрделі жөндеуден соң пайдалануға берілгеніне көп уақыт өтпеген. Тұрғындарды қыруар қаржы бөлінген жұмыстың сапасыз жүргізілгені қынжылтады.
Әуежайы басшылары болса барлығын нөсердің күшті болғанынан көріп отыр. Яғни су ағарлар жаңбыр суын өткізіп үлгермеген.
Естеріңізге сала кетейік, жуырда осы әуежайға ұлт ұстазы Ахмет Байтұрсынұлының есімі берілген еді.