Ағымдағы жылдың 15 қыркүйегінен бастап Астанада фото және видео бақылаумен жабдықталған «Сергек» сертификатталған құралы жол қозғалысының бұзушылықтарын тіркейді.
Астана қаласы Ішкі істер департаментінің мәліметтері бойынша, бұзушылықтардың келесі түрі тіркеледі:
1. ҚР ӘҚК-нің 592 бабы бойынша жылдамдықты арттырғаны үшін айыппұл түрінде әкімшілік жазалау қарастырылған:
- 10-20 км/с үшін (10 АЕК – 22 690 теңге);
- 20-40 км/с (15 АЕК – 34 035 теңге);
- 40 км/с жоғары (30 АЕК– 68 070 теңге).
2. ҚР ӘҚК-нің 601 бабы бойынша қоғамдық көліктердің қозғалысы үшін бөлінген жолмен жүргені үшін (Bus Lane), сондай-ақ стоп-желісінен асып кеткені үшін 3 АЕК мөлшерінде (6 807 теңге) айыппұл түрінде әкімшілік жазалау қарастырылған.
Онымен бірге балалар қауіпсіздігі бойынша ауқымды жұмыс жүргізілуде: білім мекемелері мен бақшаларға жақын жерде сағатына 40 шақырыммен жүру рұқсат етіледі, жылдамдықты одан арттыруға болмайды. Жылдамдықты арттырмау туралы арнайы қалқан орнатылған, тиісті жол белгілері орнатылған. Бұл учаскелер фото және видео бақылаумен жабдықталған «Сергек» сертификатталған құралының бақылауына алынған. Бұл құралдың елордада қайда орналасқанын www.citycams.kz сайтынан көре аласыз.