Екі Кеңес Одағының Батыры мен он сегіз Социалистік Еңбек Ері! Бұл – Үржар ауданынан шыққан жауынгерлер. Батырлардың құрметіне аудан орталығы Үржар ауылының Қабанбай батыр көшесінде «Батырлар аллеясы» бой көтермек. Қазір кешеннің құрылысы басталып та кетті.
Үржар ауданы әкімінің баспасөз қызметі хабарлағандай, аудан әкімі Бауыржан Торғайбекұлы мен осы киелі жерде кіндік қаны тамған азаматтар таяу күндері аталмыш кешеннің іргетасын қалады.
Бауыржан ЖАНАҚОВ, Үржар ауданының әкімі:
– Бұл – ауданымыздағы ең ерекше орындардың бірі болады, біз бұл жерді әдемі және құрметті орынға айналдыруымыз керек. Бұл өскелең ұрпаққа, өсіп келе жатқан жас үржарлықтарға батырлардан үлгі алу үшін керек.
Алла қаласа, жақын арада «Батырлар аллеясының» құрылысы аяқталмақ. Аллеяда 20 батырдың мүсіндері құйылып, орналастырылатын болады. Бұл дегеніміз – Үржар ауданында тағы бір ерекше демалыс орны қолданысқа енеді деген сөз. Бастысы, бабалар рухына арнап тұрғызылған қасиетті орынға шын пейілмен тағзым етіп, оны көздің қарашығындай қастерлеп, қадірлесек жарар еді.
«Батырлар аллеясы» бой көтермек
Последние статьи автора