Алматы халықаралық әуежайы ТМД-да бірінші болып пандемия жағдайында қауіпсіз деген мәртебеге ие болды, деп хабарлайды Stan.kz ақпарат агенттігі.
Әуе айлағы халықаралық әуежайлар кеңесінің (ACI) бағдарламасында аккредиттеуден өтті.
"Бағалау процесінде келтірілген дәлелдемелерді зерттегеннен кейін, әуежай ACI авиациялық бизнесті қайта бастау және қалпына келтіру жөніндегі ұсыныстарында және ИКАО кеңесінің авиацияны қалпына келтіру тапсырмасында белгіленген медициналық шараларға сәйкес барлық саяхатшылар үшін әуежайда қауіпсіз демалуды қамтамасыз ететінін көрсетті", - делінген халықаралық әуежайлар кеңесінің хабарламасында.
Алматы әуежайын аккредиттеу бір жыл бойы жарамды. Сертификат әуежайда карантиндік шараларды қамтамасыз етуді талдау, жолаушылар үшін жағдай жасау, дезинфекциялау жөніндегі іс-шараларды ұйымдастыру, сондай-ақ тіркеу мен қарап тексеруде жолаушыларға қызмет көрсетуге тартылған қызметтердің жұмысын ұйымдастыру негізінде берілді.
Алматы әуежайының баспасөз қызметі бұл бағдарлама саяхатшыларды қауіпсіздікке сендіруге және жолаушылардың денсаулығына қауіп-қатерді азайтуға бағытталған шараларды көрсетуге арналғанын мәлімдеді.