Журналистік зерттеуге жол

Жақын арада Мемлекет басшысы «Ақпараттық доктринасын» бекітті. Сөзсіз маңызды құжат. Доктринаның мақсаты – отандық медиакеңістікті қорғау һәм қолдау; ақпаратқа қолжетімділікті арттыру және ашық ақпараттық кеңістікті қалыптастыру.
Қазір еліміздегі БАҚ-та бір кемшін түсіп келе жатқан жанр – журналистік зерттеу. Мұның азайып кеткеніне әркім әртүрлі уәж айтып жүр. Бүгінгі бекітілген Ақпараттық доктринада айырықша мән беріліпті.
«Негізгі телевизия контенті сериалдар мен ойын-сауық сипаттағы ток-шоуларға толы. БАҚ-тың танымал болуының маңызды құрамдас бөліктері, халықтың медиалық сауаттылығын арттыру және тұтынылатын контентке сыни көзқарасты қалыптастыру факторы – талдамалық бағдарламалардың, журналистік зерттеулердің, жарқын публицистиканың тапшылығы байқалады», делінген.
Рас, қазір бұл жанр қат болып отыр. Журналистік зерттеудің саябырсу салдарынан ел ішінде әртүрлі жалаулаған жалған ақпар жайлып кетіп кетті. Енді БАҚ өкілдері Ақпараттық доктринанны оқып, соған сай әрекет етуге талпынса, медиакеңістікте мүмкіндіктер молаятынын мойындауымыз керек.
Қазір оғамдағы саяси өмірдің бет алысы, бүгінгі даму бағыты масс-медиа жүйесінде журналистік зерттеу сынды күрделі жанрдың дамып, қалыптасуына қолайлы мүмкіндік туып отыр. Журналистік зерттеуді заң бұзу мен зиянкестер туралы мәліметтерді ашық жариялайтын жанр және демократия бар жерде оның да болуын міндетті деп санайды мамандар.