Алматы облысында жол апаты адам өмірін қиды, деп хабарлайды Sputnik Қазақстан.
Қайғылы оқиға Алматы облысының Жамбыл ауданындағы Ұзынағаш ауылында болды.
ВАЗ-2114 автокөлігі Қарасай батыр көшесімен келе жатқан. Осы кезде жаяу жүргінші "зебра" арқылы жолдан өтуге ыңғайланады. Жүргізуші адамды қағып кетпеу үшін рөлді бұрып, қарсы жолаққа шығып кеткен. Салдарынан ВАЗ-2107 автокөлігімен бетпе-бет соқтығысқан.
ВАЗ-2107 жүргізушісі алған жарақатынан сол жерде қайтыс болды. ВАЗ-2114 жүргізушісі көптеген жарақатпен ауруханаға жеткізілді.