Баланы ұрып-соғу оның қатерлі ісік, жүрек аурулары мен демікпеге шалдығуына себеп болуы мүмкін. Ұлыбританияның Плимут университетінің мамандары балалық шақта жәбір көргендер ағзасының созылмалы дертке бейім келетінін анықтады.
The Telegraph-тің хабарлауынша, сарапшылар Сауд Арабиясының ешқашан дәрігерге көрінбеген 250 ересек тұрғынының денсаулығын тексерген. Олардан бала кезі туралы сауалнама алынды. Мұндай әлеуметтік зерттеу жүрегі мен тыныс алу жүйесі ауыратын 300 адам мен қатерлі ісікке шалдыққан 150 науқас арасында да жүргізілді. Бұл топтарды салыстыра зерттеудің нәтижесінде бала кезінде жиі жәбір көргендердің 70%-ының бойында қатерлі ісік бары анықталды. Ата-анасы жиі ұрып-соққандардың 30%-ы жүрегі ауыратын, 60%-ы демікпемен ауыратын болып шықты. Профессор Майкл Хиланд бала кездегі психологиялық жарақаттың өмір бойына дақ болып қалатынын айтады. Ал ол түрлі созылмалы ауруларға себеп болуы мүмкін. Психолог Хиланд қандай тентектік жасаса да, баланы сабамауға кеңес береді.
Таяқ жеп өскен бала созылмалы дертке бейім болады
Последние статьи автора