Мінез-құлық адамның дене бітіміне әсер етеді екен

Адамның дене пішіні оның мінез-құлық ерекшеліктерімен байланысты. АҚШ Ұлттық қартаю институтының зерттеушілері мұны 1988 адам қатысқан сынақ барысында анықтады.
Ғалымдардың ұзақ жылдық зерттеуі дені сау және жоғары білім алған адамдарды қамтыды. Олар­дың 71%-ы – ақ нәсілді, 22%-ы – қара нәсілді, 7%-ы – өзге этникалық топтардан. Респонденттердің тең жартысы – әйелдер. Сауалнама нә­ти­жесінде, еріктілердің мінез-құлқы шынайылық, адамгершілік, батыл­дық, көнбістік және невроти­зм сияқ­ты бес психологиялық өл­шем бо­йынша бағаланды. Белгілі бір кезең­нен соң сынаққа қатысқан­дардың салмағы өлшеніп отырды. Зерттеу нәтижесінде, кімнің эмо­цио­налдық белсенділігі жоғары болса, соның артық салмақ жинай­тыны да анық­талды. Көңіл күйі ырық­сыз адамдар сабырлыларға қарағанда 10 келіге семіз болып шыққан. Дәрігерлердің айтуынша, сабырсыз адамдар салауаттылықты ұстануға, өзін жа­ғым­сыз әдеттерден тыюға келгенде құлықсыздық танытады. Олардың семіздік ауруы­на жиі ұшырауы да сондықтан бо­луы мүмкін.