Қонаев қаласында І Халықаралық медиа және туризм форумы өтіп жатыр
Министр Дархан Қыдырәлі Қонаев қаласында өтіп жатқан І Халықаралық медиа және туризм форумында сөз сөйледі, - деп хабарлайды Alashainasy.kz тілшісі ведомствоның баспасөз қызметіне сілтеме жасап.
Бүгін Қонаев қаласында І Халықаралық медиа және туризм форумы өтіп жатыр.
Ұйымдастырушы - “Түркітілдес журналистер” қоры.
Форумға Ақпарат және қоғамдық даму министрі Дархан Қыдырәлі қатысты.
Министр өз сөзінде туризм саласын дамыту мен туған жердің табиғатын насихаттаудағы ақпараттық қолдаудың маңыздылығын айтты.
«Қазір туризмнің дамуы үшін ақпараттық қолдау, насихаттаудың маңызды екені белгілі. Сондықтан Медиа саласы мен туризмді бір арнаға тоғыстырған бүгінгі форум осы тарихи кеңістіктің мүмкіндіктерін одан сайын айшықтап, жалпақ жаһанға таныстыруда терең мәнге ие деп ойлаймыз», - деді министр.
Естеріңізге сала кетейік, Халықаралық медиа және туризм форумы екі күнге созылады.
Соңғы сағатта көп оқылған жаңалықтар осында Massaget.kz
