Сауырбай Көлібайұлы Есжанов

 Сауырбай Көлібайұлы Есжанов 1961 жылы 2 қарашада Оңтүстік Қазақстан облысы Ленгер ауданы Алғабас ауылында дүниеге келген. Целиноград инженерлік-құрылыс институтының механика факультетін (1989) автомобильдер және автомобильдік шаруашылық мамандығы бойынша; Қазақстан мемлекеттік заң университетінің сот-прокурорлық факультетін (2000) құқықтанушы мамандығы бойынша тәмамдаған. Экономика ғылымының кандидаты (2005). Кандидаттық диссертациясының тақырыбы: «Қазақстан Республикасы автомобиль көлігін логистикалық басқару жуйесін жетілдіру». «Нұр Отан» ХДП мүшесі (2004).
1982 жылдан - Кеңес Әскерінің қатарында қызметте. 1984 жылдан - «Оңтүстік сауда газ» компаниясының экспедиторы, 1986 жылдан - күрделі құрылыс инженері, 1997 жылдан - бас инженері. 1999 жылдан - Астана қаласы Көлік департаменті директорының орынбасары. 2004 жылдан - «INADA-INVEST» компаниясының президенті. 2004 жылдан - ҚР Парламенті Мәжілісі ІІІ шақырылымының депутаты, халықаралық істер, қорғаныс және қауіпсіздік комитетінің мүшесі. 2007 жылдан бері - ҚР Парламенті Мәжілісі ІV шақырылымының депутаты, Халықаралық істер, қорғаныс және қауіпсіздік комитетінің мүшесі болды.
«Құрмет» орденімен (2008); «Кеңес әскерлерінің АДР-дан шығарылуының 15 жылдығы» (2004), «60 год вызваления Рэспублікі Белорусь ад нямецка-фашысцкіх захопнікау» (2005), «Қазақстан Конституциясына 10 жыл » (2005), «Қазақстан Парламентіне 10 жыл» (2006), «Кеңес әскерлерінің Ауғанстаннан шығарылуының 20 жылдығына естелік» (2009) медальдарымен марапатталған.