Саян Қылышұлы Ахметжанов 1967 жылы 26 маусымда Ақмола облысында дүниеге келген. 1991 жылы Қарағанды мемлекеттік университетінің заң факультетін үздік тәмамдаған. 1986-1988 жылдары Кеңес Одағының Қарулы күштері қатарында әскери қызметте болған. 1991-1996 жылдары аралығында Солтүстік Қазақстан облысының прокуратура органдарында көмекші, аса маңызды істер бойынша тергеуші, жалпы қадағалау бөлімінің бас прокуроры қызметтерін атқарған. 1998-1999 жылдары және 2002 жылғы желтоқсаннан 2003 жылғы желтоқсанға дейін Қазақстан Республикасы Премьер-Министрі Кеңсесі Құқықтық сараптама бөлімінің консультанты, Заң бөлімі меңгерушісінің орынбасары қызметтерін атқарған. 1999 жылғы сәуір айынан – 2002 жылғы желтоқсан айы аралығында Қазақстан Республикасының Мемлекеттік қызмет істері агенттігінде Бөлім, Басқарма бастығы, Мемлекеттік қызметті құқықтық қамтамасыз ету департаментінің директоры қызметтерін атқарған. 2003 жылғы желтоқсаннан 2005 жылғы қазан айына дейін Қазақстан Республикасы Ішкі істер министрлігі Ішкі қауіпсіздік департаментінің бастығы қызметін атқарған. 2005 жылғы қарашадан 2011 жылғы қыркүйекке дейін Қазақстан Республикасы Президенті Әкімшілігі Әлеуметтік-экономикалық талдау бөлімінің бас сарапшысы, Құқық қорғау бөлімінің сектор меңгерушісі қызметтерін атқарған. 2007 жылғы ақпан айынан – 2011 жылғы қыркүйек айына дейін Қазақстан Республикасы Президентінің жанындағы Жемқорлыққа қарсы күрес жөніндегі комиссияның Хатшысы және мүшесі болған. 2011 жылдың қыркүйек айында Қазақстан Республикасы Мемлекеттік қызмет істері агенттігі Төрағасының орынбасары болып тағайындалды.
Саян Қылышұлы Ахметжанов
Последние статьи автора