Кеген ауданының Саты ауылында сел жүрді
Алматы облысындағы Кеген ауданына қарасты Саты ауылдық округінде бұршақ аралас жаңбыр соңы селге ұласты, - деп хабарлайды Alashainasy.kz тілшісі 24.kz-ке сілтеме жасап.
Сөйтіп, ауыл іргесіне су жайылды. Нөсер жауын, кеше кешкі 7-де басталып, жарты сағатқа созылған.
Құтқару бөлімінің мамандары, тұрғындардың көмегімен су сору жұмыстарын жүргізді.
Кеген ауданы әкімінің орынбасары Ертай Нұрмаханов бізбен байланысқа шығып, елді мекендегі ахуал жайында баяндап берді.
Ертай мырза ауылдағы ахуал қалай?
Ауласына су жайылған отбасыларға қандайда бір қолдау көрсетіледі ме?
Ауылдағы жағдай қашан тұрақталады?
Ертай Нұрмаханов, Кеген ауданы әкімінің орынбасары:
– Қазіргі уақытта селден кейінгі тазарту жұмыстары жалғасып жатыр. Республикалық маңызы бар тас жолда қозғалыс толығымен ашылды. Жергілікті атқарушы билік келтірілген залал көлемін анықтауға кірісті. Зардап шеккендер туралы мәлімет жоқ, Сондай-ақ, тұрғын үйлер зардап шекпеген, су аулаларға ғана кірген. Комиссия жұмысын аяқтаған соң жан-жақты ақпарат береміз.
Сондай-ақ кеше жауынның, мол түсуінен, Жал-аңаш Саты-Көлсай автожолының біраз бөлігін су шайған.
"Қазавтожол" қызметкерлері бүгін таңғы сағат 05:00 кезінде тас жолда көлік қозғалысын қалыпқа келтіру жұмыстарын жүргізді.
