Танымал продюсердің қызы Айсәуле Бақытбек алғашқы жүктілігін есіне алды. Блогер күйеуінің өзіне қалай қолдау көрсеткенін баяндап берді деп хабарлайды Stan.kz ақпарат агенттігі.
“Күйеуіңіздің босану процесіне қатысуына қалай қарайсыз?” деген оқырман сауалына Айсәуле: “Мен босанғанда күйеуім жанымда болды. Онсыз не боларын елестете де алмаймын. Өзі жалғыз босанатын әйелдердің батылдығына бас иемін. Босанып жатқанымда ол есіктің сыртында: “Айса, мен сенімен біргемін” деп айғайлап тұрды. Кейін ішке кіріп баланың кіндігін өзі кесті”, – деп жауап берді.