Елордада Eurasian Book Fair-2023 халықаралық кітап көрме-жәрмеңкесі өтеді, деп хабарлады Halyq Uni тілшісі.
19-23 сәуір аралығында EXPO халықаралық көрме орталығында Book Fair-2023 халықаралық кітап көрме-жәрмеңкесі ұйымдастырылады.
Бүгінде халықаралық көрмеге қатысуға Ресей, Түркия және Қытайдың баспа, кітап сату, ғылым, білім беру және полиграфия саласында жұмыс істейтін 70-ке жуық компания өтінім берген.
Еуразиялық халықаралық кітап көрме-жәрмеңкесі алтыншы рет өткізіледі. Мұнда оқырмандардың назарына түрлі кітаптар ұсынылады. Сырттан да, қазақстандық баспагерлердің де керемет туындыларын көре аласыздар, - деді «Фолиант» баспасының өкілі Қанат Бейсенғазин.
Іс-шара аясында «Жылдың үздік кітабы» байқауы өтеді.
Онда үміткерлер төмендегі номинациялар бойынша бақ сынайды:
- Үздік оқу құралы;
- Балалар мен жасөспірімдерге арналған кітап;
- Үздік өлкетану басылымы;
- Мәдениет және өнер;
- Ғылым және инновация;
- Гран-при.