Тамыздың 9-ы
Алаштың атаулы күні:
1994 жылы Алматыда ҚР Ұлттық банкінің Мемлекеттік қазына қоймасының іргетасы қаланды.
17 жыл бұрын (1995) Иранда «Абай шығармашылығына көзқарас» атты кітап жарық көрді.
8 жыл бұрын (2004) Қызылорда облысының Шиелі ауылында ақын, әнші, термеші Нартай Бекежановтың шығармалар жинағы жарық көрді.
Халықаралық әлемнің байырғы халықтары күні.
Туған күн иелері:
Мағзұмбек Машайықов (1939) – ақын;
Хасен Қожа-Ахмет (1949) – журналист-публицист, сазгер, қоғам қайраткері;
Абдулла Ахметов (1950) – Оңтүстiк Қазақстан облысы бойынша бақылау және әлеуметтiк қорғау департаментiнiң директоры;
Ертай Сәрсебеков (1951) – Қазақстанның Президентінің Іс басқармасы Орталық клиникалық ауруханасы Ғылыми-инновациялық орталығының жетекшісі, медицина ғылымының докторы, профессор, Ресей Медициналық-техникалық Ғылымдар академиясының академигі, Мемлекеттік сыйлықтың лауреаты, ҚР Еңбек сіңірген қайраткері;
Ержан Қалекенов (1962) – ҚР Біріккен Араб Әмірліктеріндегі елшілігінің кеңесші уәкілі;
Жақып Марабаев (1962) – «NCOC» басқарушы директорының орынбасары;
Шолпан Нұрымбетова (1980) – «Альянс Банк» АҚ басқарма төрағасының орынбасары;
Азамат Қасым (1985) – «Алаш айнасы» газетінің Шығыс Қазақстан облысы бойынша меншікті тілшісі.
Мерейлі күндеріңіз мерекеге ұласып, мәртебелеріңіз арта берсін!
«Алаш айнасы»
Белгілі есімнің белгісіз сыры:
АБДУЛЛА – таза араби есім. «Абдуллах» сөзі Алланың құлы, Алланың мейірімі түскен адам деген мағына береді. Қазақ арасына бұл есім әу баста Ислам дінімен бірге келген. Бұл есім кейінгі жылдары дінге бет бұрған адамдардың отбасы мүшелері арасында жиі кездесетін болып жүр.