Жүзімді сүйегімен жеу керек пе?

Естуімше, жүзімді ішіндегі сүйегімен жеген пайдалы көрінеді. Бірақ оларды шайнап жеу керек пе әлде бүтіндей жұта беруге бола ма?
Айбар РҮСТЕМ, Жетісай қаласы
Гастроэнтерологтар дә­ру­мен­дер мен антиоксиданттар және басқа да пайдалы заттар жүзімнің өзінен гөрі, сүйегінде көбірек шо­ғырланған деп есептейді.
Алайда сүйекті мұқият шайнау қиындау, сол үшін оны кофе ұн­тақтағышпен үгітіп, кофеге не­ме­­се шайға аз-аздан қосып ішкен жөн. Бірақ тым әуестеніп кеткен де дұрыс емес. Себебі қатты нәр­сенің көбейіп кетуі асқазанға үлкен салмақ түсіреді. Ал асқазан мен ішек жолдарында кінәраты бар адамдардың жүзімді сүйегі­мен жеуіне мүлде болмайды.