Халықаралық Қызыл крест комитетінің принциптері не?

Осы гуманитарлық көмек көрсетіп жүрген халықаралық Қызыл крест комитетінің мақсаты мен міндеттері қандай?
Жанна, Алматы
Халықаралық Қызыл крест комитеті (қысқаша ХҚКК) — бейтараптық пен әділдік принципін ұстана отырып, өз қызметін бүкіл дүниежүзінде жүзеге асыратын гуманитарлық ұйым. Ол қор­ғайды және қарулы қақтығыстар мен ішкі келеңсіздік кезінде зардап шеккендерге көмек көрсетеді, Халық­ара­лық Қызыл крест қозғалысы мен Қызыл жарты айдың негізгі бөлігі бо­лып табылады. Ұйым 1863 жылы швей­царлық Анри Дюнанның күш-жігерімен негізі қаланды. Штаб-пәтері Женеведа орналасқан. Халықаралық Қызыл крест комитеті (ХҚКК) өзінің мін­детін қорғау және қарулы қақ­ты­ғыс­тар мен ішкі келеңсіздік кезінде зардап шеккендерге көмек көрсету деп біледі. ХҚКК басшылыққа алатын прин­ципі бойынша соғыстың өзі әс­ке­ри әрекеттерді жүргізу әдісі мен құ­ра­лына және соғысушы жақтардың бет алысына шектеу қоятын белгілі бір шеңберде жүруі тиіс. Осы принципке негізделген ережелер жиынтығын негі­зін­де Женева конвенциясы жатқан халық­аралық гуманитарлық құқық құ­рады. Женева конвенциясына бар­лық халықаралық келісімдердің ішінен оларды бірегей ететін барлық дүние­жүзі мемлекеттері қол қойды.
Құрамында 12 мың адам жұмыс істейтін ұйым өкілдігі шамамен әлемнің 80 елінде орналасқан. Қарулы қақ­ты­ғыстар кезінде ХҚКК Қызыл крест және Қызыл жарты ай мен оларды бірік­тіретін Халықаралық федерация ұлттық бірлестіктерінің қызметтерін үйлес­ті­реді.