Үндістанда джайнизм деген дін бар

Үндістанда буддизмнен бөлек джайнизм атаулы діни сенім бар екен, оның басты принципі қандай?
Еркін ҰЛЫҚБЕК, Тараз
Джайн – Үндістанда өте ертеден келе жатқан діни сенім болып та­бы­лады. Бүгінде өзін джайн­дар­дың қатарына жатқызатындардың саны бес миллион адамға жуық­тай­ды. Қазіргі кезде бұл діни таным үн­діс­тандық мигранттар арқылы Сол­түстік Америкаға, Қиыр Шығыс, Авс­тралия және басқа да ірі ай­мақ­тарға таралуда. Бұл сенімнің бас­ты талабы – тіршілік атаулының еш­біріне зиян келтірмеу. Міне, сон­дықтан да аталған діннің өкілдері ешуақытта ет жемейді және қару ұс­тамайды. Кейде көзге көрінбейтін ұсақ жәндіктерді байқаусыз өлтіріп алмау үшін жүретін жолын арнайы сыпыртқымен тазалап жүретін, не­месе ауа құрамындағы тіршілік бел­гісіне залал келтірмеу үшін сүзгі ар­қылы демалатын діни қыз­мет­кер­лерді кездестіруге болады. Олар да будда дінінің өкілдері секілді кез келген тіршілік иесінің жаны бо­ла­ды және ол өседі, жетіледі деп есеп­тейді.