Қысқартуға жатпайтын қызметкерлер кімдер?

Мен бірнеше жылдан бері мектепте мұғалім болып қызмет етіп келемін. Жақында мектепте қысқарту болады дегенді естіп қалдым. Сұрайын дегенім, қысқартуға жатпайтын қызметкерлер қатарына кімдер кіреді?
Жайнар СҰЛТАНҚЫЗЫ, Алматы қаласы
Еліміздегі Еңбек кодексінің 185-бабында қысқартуға жатпайтын қыз­мет­керлер санатына жүкті әйелдер, үш жасқа дейінгі балалары бар әйелдер, он төрт жасқа дейінгі баланы (он сегіз жасқа дейінгі мүгедек-баланы) тәр­бие­леп отырған жалғызбасты аналар, атал­ған балалар санатын анасыз тәр­биелеп отырған өзге де тұлғалар жатады деп атап көрсетілген. Сіз осы бапты бас­шы­лық­қа алуыңызға болады. Тағы бір ай­та­тынымыз, қысқарту жүргізілетіні жөнінде жұмыс беруші қызметкерлерді кемінде бір айдай уақыт бұрын жазбаша хабарландыру тиіс. Сондай-ақ заңнама талаптарына сәйкес жұмыс беруші қыс­қартылатын қызметкерді (егер ол келісетін болса) басқа жұмысқа ауыс­ты­ру шараларын қабылдауға тиіс.