Қара бұрыштың пайдасы қандай?

Ағам ыстық тамағына үнемі қара бұрыш қосады. Оны тамаққа қосу міндетті ме? Ағзаға қандай пайдасы бар?
Артур Нәлібаев, Қарағанды қаласы
Қара бұрышты аспаздар «дәм­деуіш­тердің патшасы» деп атайды. Ол – ас дәмін келтіретін үгітілген қоспалардың ішіндегі ең жиі қолда­ны­латыны. Қара бұрышты сорпаға, көжеге, тұздыққа, тұздалған көкөніс­терге, салаттарға, соустарға, ет-балық өнімдеріне және басқа да тағамдарға қосады. Ол адамның тәбетін ашып, асқорытуды  жеңілдетеді. Құрамының 1-2%-ы шайырдан, 6-12%-ы май­дан, крахмалдан, 5-9%-ы пиперин алкалоидынан, 0,9-2,5%-ы эфир майынан тұрады. Бұрыштағы эфир майының құрамында дипентен, фел­ландрен, сесквитерпен және карио­фил­лен сияқты ағзаға пайдалы хи­мия­лық заттар болады.