Мақта-мата комбинаты іске қосыла ма?

Жуырда мамандар «Алматы мақта-мата» комбинатын және «Ал­маты аяқкиім» фабрикасын іске қосу жөнінде пікір қозғады. Жалпы, қазірде елімізде жеңіл өнеркәсіп өнімдерін шығаратын қанша кәсіпорын бар? Алдағы уақытта олардың көлемі қаншаға өспек?
Айгүл Әзбергенова, кәсіпкер
Қазақстанның жеңіл өнеркәсіп­орындары қауымдастығының төр­­айы­мы Любовь Худованың мә­­лі­м­­де­уін­ше, 2011 жылдың қо­­­ры­тын­дысы бо­­­йынша, елімізде то­­қыма өн­ді­рі­сімен айналысатын – 39, киім шы­ғаратын – 32, тері өн­діру және оған қа­­­тысты өнімдер өн­ді­ретін бес ірі жә­не орташа кә­сіп­орын бар. Бұл кәсіп­орындар рес­публиканың жалпы ішкі өнімінде бұ­рынғы деңгейге жете ал­май отыр. Де­сек те, бізде бұл са­ла­ны өр­­кен­де­тудің, сол арқылы халықты жұ­мыс­пен қамтудың мүм­кін­діктері жет­­кі­лікті. Мысалы, Қа­зақстанда то­қы­ма өнер­кәсібіне негізгі ши­кізат бо­лар­лық жылына 450 мың тоннаға де­йін мақ­та жинауға болады. Оның үш­тен бі­рі немесе 140-160 мың тон­насы та­за талшыққа ай­на­лады. Оған қо­сымша 25-30 мың тон­на жүн және 7-7,5 миллион дана тері өн­діріледі. Бұл ретте мамандар: «1 тонна мақта тал­шығының әлемдік на­рық­тағы құны 1200 АҚШ долларына тең де­сек, ол жіп­ке айналғанда – 3200, ма­таға ай­налғанда – 7200, ал да­йын тауарға ай­налғанда 8400 дол­ларға дейін пай­да әкеледі. Егер жо­ғарыда ай­тылған 160 мың тонна мақ­та тал­шығы тү­гелдей өз елімізде соң­ғы да­йын өнім­ге айналатын бол­са, ол 1 мил­лиард 340 миллион дол­­лардан аса та­быс әкеледі» дей­ді... Осыны ес­кер­ген мамандар мақ­та-мата өн­ді­ретін елі­міздегі ең ірі «Ал­маты мақта-ма­та» ком­бинатын және «Алматы аяқкиім фа­брикасын» көп кешіктірмей қайта іс­ке қосу қажеттігін алға тартып отыр.