Аға тәлімгердің еңбек демалысы неше күн?

Мен өткен жылы мектепке аға тәлімгер болып қызметке келгенмін. Осы жазда маған 30 күндік еңбек демалысын бер­ді. Ал мұғалімдер 56 күндік еңбек демалысын алды. Маған неге 56 күндік еңбек демалысы берілмейді? Осы заңды ма?
Раушан Ақылбекова, Алматы облысы
«Білім туралы» Қазақстан Рес­публикасының 2007 жылғы 27 шілдедегі № 319 Заңына сәйкес жалпы орта, техникалық және кә­сіп­тік, орта білімнен кейінгі жоға­ры және жоғары оқу орнынан кейінгі білім беру ұйымдарының педагог қызметкерлері үшін ұзақ­тығы күнтізбелік 56 күн; оқу-әдістемелік қызметкерлері қамта­масыз ету, мектепке дейінгі және қосымша білім беру ұйымдары­ның педагог қызметкерлері үшін - күнтізбелік 42 күн ақы төленетін жыл сайынғы демалыс алудың әлеуметтік кепілдіктерін иелене­ді.
Педагог қызметкерлер мен олар­ға теңестірілген адамдар лауазымдарының тізбесі Қазақ­­стан Республикасы Үкіметінің 2008 жылғы 30 қаңтардағы № 77 қау­лы­сымен бекітілген, оның ішінде білім беру ұйымдарындағы аға тәрбиеші лауазымы аталған.
Қазақстан Республикасы Еңбек кодексінің 100-бабына сәйкес, жыл сайынғы ақылы еңбек дема­лысы жұмыс орны (лауазымы) мен орташа жалақысы сақтала отырып, белгiлi бiр күнтiзбелiк күндер санына берiледi.