Адвокаттың ақысы қанша тұрады?

Еліміздегі адвокат жалдау ақысы қанша тұрады? Қылмыс түрлеріне қарай адвокаттың қызметінің ақысы белгіленген бе?
Алмас БЕКТҰРҒАНОВ, Қапшағай қаласы
Сіздің сауалыңызға орай, Ал­маты қаласындағы бiрнеше ад­вокаттық кеңсеге хабарласқа­ны­мызбен, адвокаттық қызмет ақысының нақты көлемін біле ал­мадық. Дегенмен адвокат Шың­қуат Байжановтың: «Қар­жы мә­­се­лесі көмекке зәру кісінің тө­л­ем қабілетіне байланыс­ты. Мә­селен, бір іске байланысты ад­во­катты 200 000 теңгеге жалдағанымен, адвокат ол істі бір ай­дың ішінде  бітіре алмаған жағ­дайда ол ақы бірнеше айға созылып кетеді. Өйткені  соттың бір айға немесе одан да көп уа­қытқа созылып кетуі мүмкін. Сон­да әлгі қаржыны бірнеше ай­ға бөлсеңіз, бар болғаны 40-50 мың теңгеден ғана келеді. Ал бір­неше істі бірден алу мүмкін емес», – дегеніне қарап, ад­во­кат­тар ақысын шамалағандай бол­дық. Негізі, қорғаушы жал­дау екі адамның арасында жа­салатын келісімге байланысты. Әри­не, мықты адвокаттардың өз қызметін қымбатырақ ай­та­ты­ны бел­гілі. Сондықтан ад­во­кат қыз­ме­тінің нақты ақысының қан­ша тұ­ратынын кесіп айту қиын бо­лып тұр. Яғни ол қыл­мыстық жә­не әкiмшiлiк iстердiң түр-сипаты мен оның өндiрiсте қаралу ұзақ­ты­ғына және да­муы­на бай­ла­нысты әрқалай болады.