«Абай – Әйгерім» спектаклі қайда кетті?

Бұрындары М.Әуезов атындағы драма театрында «Абай – Әйгерім» деген спектакль қойылған екен. Сол туралы аз-маз мағлұмат білгім келеді.
Мөлдір ЖАҚЫП, Алматы қаласы
«Абай» энциклопедиясының мәліметінше, «Абай – Әйгерім» спектаклі ұлы ақынның жас­тық шағы, оның Әйгеріммен арадағы ма­хаб­баты, адамгершілік қарым-қатынасы жайлы драмалық туынды. Оқиға желісі, әрине, Мұхтар Әуезовтің «Абай жолы» роман-эпо­пея­сынан алынған. Пьесаны жазған – хал­қы­мыздың талантты актрисасы, Қазақстан Республикасының Халық әртісі Бикен Римова. Бұл шығарма театр әртісінің драматургтік қабі­летінің де жоғары екенін байқатты. Қойы­лым­ды белгілі режиссер, актер, Қазақстанның еңбек сіңірген өнер қайраткері Жақып Омаров сахналады. Шығармада аса көрнекті ком­по­зи­тор, мемлекет және қоғам қайраткері, КСРО халық әртісі, ҚР Мемлекеттік сыйлығының иегері Сыдық Мұхамеджановтың музыкасы қолданылды. Қазақ өнерінің мэтрлары туғыз­ған драма 1980 жылы сәуір айында қазіргі М.Әуезов атындағы Қазақ мемлекеттік ака­де­миялық драма театрында тұңғыш рет қойыл­ды. Абай рөлінде Қазақстанның Халық әртіс­тері Әнуар Боранбаев пен Әшірәлі Кенжеевтер ойнады. «Абай – Әйгерім» 90-жылдардың ор­тасына дейін жиі сахналанғанымен, соңғы кездері қойылмай кетті.