Ерлі-зайыпты еркегі мен әйелі үйленгеннен кейін алғашқы күні «есікті ешкімге ашпайық» деп өзара сөз беріседі. Сол күні жаңадан қосылған жас жұбайлардың жағдайын білмек үшін күйеудің әке-шешесі келіп, есікті қағады. Ерлі-зайыпты екеу бір-біріне қарайды да, күйеуі әке-шешесіне есікті ашқысы келеді, бірақ әйелімен сөз байласқан соң, уәдені бұзбайын дейді де, ол ойынан кері қайтып, есікті ашпайды. Әке-шешесі біраз күтіп, қайтып кетеді. Дәл сол күні, біршама уақыттан кейін қыздың да ата-анасы келіп, есік қағады. Жас жұбайлар тағы да бір-біріне қарайды, бірақ қыз шыдай алмай, көздері жасаурап, «мен бұлай істей алмаймын» деп есікті ашады. Күйеуі ештеңе демейді.
Қаншама жылдар өтіп, әлгі ерлі-зайыптылар балалы-шағалы болады. Үш ұлдан кейін төртінші болып қыздары дүниеге келеді. Әкесі жаңа туған қызының шілдеханасын үлкен бір той етіп өткізбек болып, барлық туған-туыс, жекжат-жұрағаттарын шақырады.
Той біткен соң әйелі күйеуіне «үш ұлыңа мұндай үлкен шілдехана тойын жасамап едің, қызың үшін неге осынша шашылдың?» деп сұрайды.
Сонда күйеуі: «Өйткені, маған қызым ғана есігін ашатын болады...» – дейді.
Сейдахметтің Ай-Нұры
Facebook-тегі парақшасынан
Маған қызым ғана есігін ашады...
Последние статьи автора