Кеше жұмыстан қайтып келе жатып"дәл осы жерге тұрыңызшы, әдемі екен"-деп жолдасым суретке түсірді. Түрім әбіржу болса да түстіп және бүгін суретті өздеріңіз көріп тұрғандай осында жүктеп қойдым. Жолдасымның ниеті мен еңбегін бағаладым.
Негізгі тақырыпқа көшейін. Күйеуге қатысты түрлі пікір, түрлі тренинг бар. Бірі күйеудің табанына жығып берсе, бірі қулық-айланы үйретеді. Маған бір танысым "күйеуіңді қорқытып қойғансың ба, айтқаныңды екі етпейді ғой" немесе "күйеуге қалай айтқаныңды істетуге болады?" дейді. "Күйеуге айтқаныңды істетіндей ол сізге бала емес" дедім. Тағы айтпағым, тамақпен, не төсекпен ұстап қалатындай еркек сізге хайуан да емес.
Әркез адамгершілік қасиет қажет. Әйелге де, еркекке де. Адамгершілігі бар еркек әйелге себепсіз де құрмет көрсете алады. Адамгершілігі жоқ болса не істесеңіз де көрмейді, түсінбейді. Дәл сол сияқты, еркектің жақсылығын бағалайтын әйел бар, бағаламайтындар да болады. Сол себепті адамның иісі аңқып тұрсын, болмысыңыздан. Қалғаны бекер. Айла-амалдарыңызды жиыстырып, күйеулеріңізге шынайы, ашық қарым-қатынаста болыңыздар дегім келеді.
Мәдина Махамбетқызы
Фейсбуктегі парақшасынан