Адамданың мінезі қандай болса, машинені де солай жүргізеді десем құптар ма едіңіздер?. Соңғы кезде көп байқап жүрмін. Мінезі салмақты адамдар машинені де салмақты айдайды екен. Екі ағам бар. Бірінің мінезі ұшқалақ та, екіншісі өте салмақты. Ұшқалақтың мəшинесіне мінсең, қорқып иманыңды үйіріп отырасың. Ұшып айдап барады да, қысылып тұрған екі мəшиненің ортасынан өтіп кете салады. Қарсы келе жатқан мəшинеге қарсы жүріп келе жатып, жақын қалған кезде оңға не солға қарай бұрып жібереді. Жайырақ-жайырақ- деп шыңғырамыз да жатамыз артта отырып . Жауабы сол хех-хе хе деген бір күлкі. Қотыр-шотырды талғамайды. Өзі МАЙ қызметкерлерінің асыраушысы. Ал, екіншісінің мəшинесіне мінсең, нық сеніммен отырасың.Арасында мызғып ұйықтап алсаң да болады. Баратын жеріңе тербетіп апарады. Рульде отырғанда артық сөйлемейді. Үлкені ше, барғанша əзілдеп, прикол ұстап, машиналармен жарысып, одан қала берді өзінен озып кеткендерді сыбап дегендей. Машинасы да құтты өзі сияқты прикольный. Бұзылмайтын жерде бұзылады, балонынан бір екі рет тепсең, дым болмағандай қайта жүріп кете береді. Өткенде қалаға асығып бара жатып бір таксиге мінгенмін. Шаферы ұрып кеткен біреу екен. Қалаға жеткенше секіртіп апарды. Секіргеніміз соншалықты ішек-қарнымыздың қайда қалғанын таппай қалдық. Əлемнің жарығымен мың қоштастық десем өтірік айтқандық емес. Қайтарда тағы міндік таксиге. Таксист бұрын асаба болған бəле -ау деймін. Келгенше аузы жабылмады.Жай сөйлесіп отырғанының өзі өлеңге бергісіз. Қысқасы өлеңдетіп сөйлейді екен. Мəшинесі де сол, келгенше өлеңдетіп келді. Моторынан жаман дауыс шығады екен. Гүрілдеп миды қи қылды. Соңында суы қайнап, тура егесі ұқсап түтіні шығып кетті. Ақ көңіл жездем бар. Аузын ашса жүрегі көрінеді. Көлігі де сондай. Бір есігін жапсаң, үш есігі ашылады.
Салтанат Абылбекова
Фейсбуктегі парақшасынан