Белгілі есімнің белгісіз сыры

Нұржамал – қазақтың төл есімі. «Нұр» тү­бі­рінің мағынасы белгілі, «жамал» деген сөз – «ди­дар», «көрік», «ажар» сөздерінің синонимі. Халық ауыз әдебиетінде «жамалыңды бір көр­сем» деген тіркес кездеседі. Сонымен бірге «Бір адам – са­мал, екі адам – амал, үш адам – жамал, төрт адам – қамал» деген мақал бар. Тарихи грам­матика саласының кейбір мамандары «жа­мал» сөзінің араб тілінен енгенін айтады. Араб ті­лінде бұл сөз «әсем», «көрікті», «шырайлы» де­генді білдіреді екен. Ғаламторда «Нұржамал» есі­мі­нің нуме­ро­логиялық және басқа да сипаттары туралы мә­ліметтер көп. Соларға сүйенсек, мұндай есімді ие­ленгендер шығармашылыққа, адамгершілікке, от­басы ұйытқысы болуға бейім келеді.