Алла Елшісі (Оған Алланың игілігі мен сәлемі болсын) былай дейді:
«Мұсылман мұсылманның бауыры. Оған зұлымдық жасамайды, оны дұшпанға тапсырмайды. Дін бауырының қажеттілігін орындаған адамның, Алла да қажеттілігін орындайды. Мұсылманның бір қиыншылығын жойған адамның Алла да қиямет күнінде қиыншылықтарының бірін жояды. Бір мұсылманның айыбын жасырған адамның Алла да қиямет күні айыптарын жасырады» (Бұхари, «Мәзалим»,3)
Құран Кәрімде де баяндалған сияқты осы хадис шәріпте де мұсылманның бауырлас екендігі айтылып, бауырластық құқығының шарты болып саналатын кейбір нәрселерге назар аудартады. Бұл бойынша; мұсылман адам ешкімге зұлымдық жасамайтыны сияқты діндастарына да зұлымдық жасамайды және оларды, зиян тартатындай ешбір жағдайға түсірмейді. Мүминдер ізгілік және жақсылық болып саналатын барлық жағдайда бір-біріне жәрдемші болуы керек. Мұсылмандардың жазалауды қажет етпейтін әрі құл хақына қатысы жоқ кемшіліктерін жасыру да парасаттылық. Алла да ондай істегендердің айыптарын жасырады.
mazhab.kz/kk/maqalalar/gibratnama/jaqsylyq-jauapsyz-qalmaidy-1209/