Кешіре білу – адам бойындағы ең ізгі қасиеттердің бірі. Ешкімге ыза, кек сақтамай, айналасына мейіріммен қарай алатын адам - нағыз бақытты адам!
Себебі, Алла Тағала Құранда игілікке бөленетіндерді:
«...олар - ашуын ұстайтындар және адамдарды кешіретіндер», - деп сипаттайды. («Әли Имран» сүресі, 134-аят).
Және «Кешірімділікті ұстан, құпталғанға бұйыр және надандардан теріс бұрыл!» - деп бұйырады. («Аъраф» сүресі, 199-аят).
Сахих хадистерде адамның адамға үш күннен артық ренжуіне тыйым салынғандығы айтылады.
Ал кім бірінші болып ашуын басып, кешірім сұраса – Алла алдында мәртебелі болып, сауапқа ие болмақ!